حب من طرف واحد

 

حب من طرف واحد
يعني تعيش بنص كيان
قلبك يبكي من شوقه
وقلبه يبقي مش دريان
تبات الليل تفكر فيه
وهو مع غيرك سهران
تشوفه تدوب في تفاصيله
ونفسك تجري تحكيله
علي شوقك علي سهرك
علي حيرتك واختلاط أمرك
شفيفك بأسمه بتنادي
وهو يدوب فاكر شكلك
نيران الغيرة تحرق فيك
وقلبه مهما تنده مش ليك
ولو فتح قلبك يلاقيك
عاشقه وفي ضحكته غناويك
الحب من طرف واحد
سهر ليله عذاب جاحد
لكن الحب له احكام
تعيش الجنة في الاوهام
ويوم بيفوت وراه أيام
عتاب بيزيد وبحر ملام
نصيب هتعيشه متغصب
تغضب تبكي تتعصب
حضوره صعب
وغيابه كان أصعب
اكتم كسرتك جواك
واياك عليه تصعب

Explore More

أنا لست خائفا

0 أنا لست خائف ( الجنية السوداء آكلة الدم) منذ ايام قليله كنت في زيارة الي أحد اخوالي في محافظة الغربية بالتحديد

فقط فكرة

0   لكل منا أسراره الخاصة، لايعرفها أحد سواه، قد تكون فكرة في عقله، أو كلمة داخل كتاب، الأولى فهي واضحة، أما

Add a comment