“لو كنت بس ساعتها عارف ان دي المره الاخيره ميه ميه كانت هتفرق في الوداع”
اسكندريه – الشاطبي
28/9/2020 , 10:00
اسوأ غلطه عملتها في حياتي اني جيت عند نقطه معينه وقولت انا هثق ف الناس ، وانت كنت اول حد اثق فيه ، واخر حد.
فاكر لما كنت بتقولي عدم ثقتك في الناس هتوصلك انك متثقيش في نفسك؟
ثقتي فيك كانت اكبر من كل حاجه في الدنيا ، اكبر من ثقتي في نفسي .
انت الشخص الوحيد اللي علمتني اثق فيه اكتر من البحر ، واحكيله زي م بحكي للبحر .
-البحر غدار يا مريم تبقي بتحكيله اسرارك و ف نواة يغدر بيكي وياخدك.
–يا مريم البحر يبان هادي وحلو من برا ، محدش عارف تحته في ايه.
-لو الدنيا كلها سابت وبعدت انا مستحيل اسيبك .
–انا لو بعدت عنك ابقى بحكم على نفسي اعيش طول عمري تعيس ومنغير هدف .

=اما بعد ، انا هنا ف اكتر مكان مفضل لينا ، بس لوحدي
كل الكلام ، كل المواقف والحكاوي والمواويل ، صوت الموج ولطشه الهوا الساقع ، خلفت بوعودك ليه؟ سيبت والدنيا مسابتش ، بتحكم على نفسك تعيش طول عمرك تعيس؟
البحر عمره م يغدر ب صاحبه وعمره م يبطل يفتح دراعاته لوحيد وهش وتعيس زيي.
“يا مسافر وحدك وفايتني ليه تبعد عني وتشغلني؟”
-ليل